300 یونٹ تک کے صارفین پر پہلی بار فکسڈ چارجز لگ گئے
نیشنل الیکٹرک پاور ریگولیٹری اتھارٹی (نیپرا) نے وزارت توانائی کی درخواست پر فیصلہ جاری کرتے ہوئے بجلی کے گھریلو صارفین پر فکسڈ چارجز عائد کرنے کی منظوری دے دی۔
یہ پہلا موقع ہے کہ ماہانہ 300 یونٹ تک کے پروٹیکٹڈ اور نان پروٹیکٹڈ صارفین پر بھی فکسڈ چارجز نافذ کیے گئے ہیں۔
فیصلے کے مطابق:
پروٹیکٹڈ صارفین:
- 100 یونٹ تک: 200 روپے ماہانہ
- 200 یونٹ تک: 300 روپے ماہانہ
نان پروٹیکٹڈ صارفین:
- 100 یونٹ تک: 275 روپے
- 200 یونٹ تک: 300 روپے
- 300 یونٹ تک: 350 روپے
- 301–400 یونٹ: 400 روپے
- 401–500 یونٹ: 500 روپے
- 500 یونٹ سے زائد: 675 روپے
مزید برآں، ماہانہ 301 یونٹ سے زائد بجلی استعمال کرنے والوں کے لیے فی یونٹ نرخوں میں بھی کمی کی منظوری دی گئی ہے:
- 301–400 یونٹ: 1.53 روپے کمی فی یونٹ
- 401–500 یونٹ: 1.25 روپے کمی
- 600 یونٹ: 1.40 روپے کمی
- 700 یونٹ: 0.91 روپے کمی
- 700 یونٹ سے زائد: 0.49 روپے کمی
کمرشل اور صنعتی صارفین کے لیے بھی ریٹس میں کمی کی گئی ہے، جہاں صنعتی صارفین کے لیے فی یونٹ بجلی 5 روپے تک سستی ہوگی۔
نیپرا کے مطابق یہ اقدامات بجلی کے نظام کی بہتری اور پاور سیکٹر کی مالی ضروریات کو پورا کرنے کے لیے کیے گئے ہیں۔
وفاقی حکومت کو نوٹیفکیشن جاری کرنے کے لیے فیصلہ ارسال کر دیا گیا ہے، جس کے بعد صارفین کے ماہانہ بلوں میں یہ فکسڈ چارجز شامل ہوں گے۔