ہانیہ عامر کی شادی کی افواہیں پھر گردش میں

پاکستان کی معروف اداکارہ ہانیہ عامر کے سوشل میڈیا پر کیے گئے ایک مزاحیہ کمنٹ نے ایک بار پھر ان کی شادی سے متعلق افواہوں کو ہوا دے دی ہے، جس کے بعد مداحوں میں چہ مگوئیاں تیز ہوگئی ہیں۔

اداکارہ حالیہ دنوں سوشل میڈیا پر مداحوں سے براہِ راست گفتگو کے دوران اس وقت خبروں کی زینت بن گئیں جب ان سے مبینہ نکاح کے وقت کے بارے میں سوال کیا گیا۔

سوشل میڈیا پر گردش کرنے والی قیاس آرائیوں کے مطابق ہانیہ عامر اور گلوکار عاصم اظہر کی ممکنہ قربتوں سے متعلق افواہیں پہلے ہی زیرِ بحث تھیں، خاص طور پر عاصم کی خاندانی تقریبات اور کنسرٹس میں اداکارہ کی شرکت کے بعد یہ موضوع دوبارہ نمایاں ہوا۔

تاہم دونوں فنکاروں کی جانب سے کسی قسم کی باضابطہ تصدیق سامنے نہیں آئی۔

اسی دوران ایک مداح نے اداکارہ سے سوال کیا کہ نکاح سحری کے بعد ہوگا یا افطار کے بعد، جس پر ہانیہ عامر نے مزاحیہ انداز میں جواب دیتے ہوئے کہا کہ نکاح “دوپہر جمعہ” کو ہوگا۔

ان کے اس جواب کے بعد سوشل میڈیا صارفین میں یہ بحث چھڑ گئی کہ آیا یہ محض مذاق تھا یا کسی حقیقت کی طرف اشارہ، تاہم اداکارہ کی جانب سے اس حوالے سے کوئی واضح وضاحت نہیں دی گئی۔

واضح رہے کہ ہانیہ عامر پاکستان کی مقبول ترین سوشل میڈیا شخصیات میں شمار ہوتی ہیں اور وہ اکثر اپنے منفرد اور بے باک انداز کے باعث خبروں میں رہتی ہیں۔

ان کی شادی سے متعلق گردش کرنے والی حالیہ قیاس آرائیاں بھی تاحال غیر مصدقہ ہیں اور اس بارے میں کوئی سرکاری اعلان سامنے نہیں آیا۔