مکہ مشترکہ دفاعی معاہدہ ملکی تاریخ کا اہم سنگ میل اور محفوظ مستقبل کی ضمانت ہے: بلاول بھٹو زرداری
اسلام آباد: پاکستان پیپلز پارٹی (پی پی پی) کے چیئرمین اور سابق وزیرِ خارجہ بلاول بھٹو زرداری نے پاکستان، سعودی عرب اور ترکیے کے درمیان طے پانے والے ‘مکہ مشترکہ دفاعی معاہدے’ کو ملکی تاریخ کا ایک اہم ترین سنگ میل اور خطے میں امن کے لیے ایک تاریخی دستاویز قرار دیا ہے۔
سوشل میڈیا پلیٹ فارم ایکس (سابقہ ٹوئٹر) پر جاری اپنے ایک بیان میں بلاول بھٹو زرداری نے کہا کہ یہ سہ فریقی معاہدہ نہ صرف پاکستان، سعودی عرب اور ترکیے کے محفوظ اور مستحکم مستقبل کی ضمانت فراہم کرتا ہے بلکہ اس سے تینوں برادر اسلامی ممالک کی دفاعی صلاحیتوں میں نمایاں اضافہ ہو گا۔ انہوں نے اس پیشرفت کو علاقائی و عالمی امن کے تناظر میں انتہائی اہمیت کا حامل قرار دیا۔
چیئرمین پیپلز پارٹی نے اس تاریخی دفاعی اتحاد کو عملی شکل دینے میں اہم کردار ادا کرنے پر وزیراعظم محمد شہباز شریف اور آرمی چیف فیلڈ مارشل عاصم منیر کی حکمتِ عملی اور سفارتی کاوشوں کو سراہا اور ان کے لیے ستائش کا اظہار کیا۔
ان کا مزید کہنا تھا کہ قیادت کی بہترین حکمتِ عملی اور مشترکہ کوششوں کے نتیجے میں ممکن ہونے والا یہ معاہدہ آنے والے وقت میں خطے کے امن، پائیدار ترقی اور سیکیورٹی کے حوالے سے انتہائی دور رس نتائج کا حامل ثابت ہوگا۔