لیونل میسی کا انٹرنیشنل فٹبال سے ریٹائرمنٹ کا اعلان
میڈرڈ: ارجنٹینا کے لیجنڈری فٹبالر اور کپتان لیونل میسی نے 39 سال کی عمر میں انٹرنیشنل فٹبال سے باقاعدہ ریٹائرمنٹ کا اعلان کر دیا ہے، جس کے ساتھ ہی ان کا دو دہائیوں سے زائد عرصے پر محیط شاندار بین الاقوامی کیریئر اختتام پذیر ہو گیا۔
سماجی رابطے کی سائٹ انسٹاگرام پر جاری جذباتی بیان میں میسی نے کہا کہ قومی ٹیم سے الگ ہونے کا فیصلہ انتہائی تکلیف دہ ہے لیکن اب یہی صحیح وقت ہے۔ انہوں نے انکشاف کیا کہ انہوں نے ریٹائرمنٹ کا پیغام 21 جولائی کو فیفا ورلڈ کپ فائنل میں اسپین کے ہاتھوں ارجنٹینا کی شکست کے دو روز بعد ہی لکھ لیا تھا، جبکہ والد جارج میسی کے انتقال کے بعد وہ اس فیصلے پر مزید پختہ ہو گئے تھے۔
لیونل میسی نے ارجنٹینا کی نمائندگی کرتے ہوئے مجموعی طور پر 207 بین الاقوامی میچز میں قومی ٹیم کی نمائندگی کی اور ریکارڈ 125 گول اسکور کیے، وہ ارجنٹینا کی تاریخ میں سب سے زیادہ میچز کھیلنے اور سب سے زیادہ گول کرنے والے کھلاڑی ہیں۔ میسی کی قیادت میں ارجنٹینا نے 2022 کے قطر فیفا ورلڈ کپ میں عالمی چیمپئن بننے کا اعزاز حاصل کیا تھا جبکہ 2026 کے ورلڈ کپ میں ٹیم نائب چیمپئن رہی۔