’ڈیفینس فورسز ایکٹ 2026‘ اور ‘نیشنل کمانڈ اتھارٹی ایکٹ 2010’ میں ترامیم وفاقی کابینہ سے منظور
اسلام آباد: وزیراعظم محمد شہباز شریف کی زیرِ صدارت منعقدہ وفاقی کابینہ کے اجلاس میں ’ڈیفینس فورسز ایکٹ 2026ء‘ اور ’نیشنل کمانڈ اتھارٹی ایکٹ 2010ء‘ میں اہم ترامیم کی باضابطہ منظوری دے دی گئی ہے۔
وزیر اعظم آفس کی جانب سے جاری کردہ اعلامیے کے مطابق، یہ نیا قانونی مسودہ حال ہی میں منظور کی جانے والی 27ویں آئینی ترمیم کے تسلسل میں تیار کیا گیا ہے۔ اس قانون سازی کا بنیادی مقصد چیف آف ڈیفنس فورسز (Chief of Defence Forces) کے قائم کردہ نئے عہدے، ان کے اختیارات اور چیف آف ڈیفنس فورسز ہیڈ کوارٹرز کے دیگر متعلقہ انتظامی امور و ڈھانچے کا تفصیلی تعلیق اور تعین کرنا ہے۔
اس کے علاوہ وفاقی کابینہ نے ’نیشنل کمانڈ اتھارٹی ایکٹ 2010ء‘ میں بھی ترامیم کے مسودے کو منظور کر لیا ہے، جو 27ویں آئینی ترمیم کی منظوری کے بعد قانونی اور ساختاتی ضرورت بن چکا تھا۔ کابینہ سے منظوری کے بعد دونوں ترمیمی مسودہ جات کو قانون سازی کی حتمی منظوری کے لیے پارلیمان کے جاری اجلاس میں پیش کیا جائے گا۔